INGUD A BANGSAMORO Lyrics - United Maranao Music Artist

 

 

 

I
So sonia na ngganatan
so akhera i pagundodan
na ino di puparowa
di tano maiisa-isa

II
So sonia na ngganatan
so akhera i taman sa taman
para ko pangegendeg na
itaman si ginawa
CHORUS
Para ko agama go para ko bangsa
magisa-isa tano langon
ipanenendeg tano sa agama tano
sa ingud a Bangsamoro

III
pagaraia, andadun
so gagaw nga ko pilombayan
tanto den a maregen
kiyalipatan so agama

IV
ikasoy so gowani
kapagadat ko umani isa
miyatembang ko donia
Kadakulan ko manosia

REPEAT CHORUS

V
imanto dun so masa
inggulalan so kalilintad
salimbago tano langon
antano maisa-isa

VI
sayana pakaranaon
magogopa so kalombayan
sa inguda bangsamoro
inguda pilombayan

REPEAT CHORUS

VII
langon tano sasakawa ko lalan a maliwanag
iphanendeg so agama siiko lalan o kanjihad
ino tano di pekerun a ngganatan so donia
sa orian na kokomen o tuhan tano a mala

VIII
sabapan ko paninindug na itaman si ginawa
apiya sambi si napas sara sii ko agama
inibaling sa kalasan langon kami misarakan
ko di ami karaw pagilay so sabagi a pangkatan

IX
siiko lalan o kanjihad ipanendeg so agama
sukami so mga bae a sundaro o agama
a dii merasarasay miyawat ko pamilya
siyabar ami langon para mipanendeg ka

X
na pikirangka maregen so sundaro o agama
oranan sinagan dun para sa ginawa nga
so liwanag o agama na lininding i ginawa
na inonaban sa rogo o mga sahid o agama

XI
so donia pakabimban na sumasaged bo aya
na ditano pangonotan so kabaya o ginawa
salimbafo simbetad tano langon pagaria
pakarani pakabager kapendato o agama
XII
so randanga a isige a muntiya sa sabangan
na diko karao taudan sa taman sa pakataman
so maratabat o ingud na aya dun panindugan
o mga pagari niyo a miyagingu sa kalasan

XIII
ka so tohan aya mala masalinggagaw paparatiyaan
ka sukaniyan so kadenan a miyangadun ko langon taman
na mga lokes pagari akun na magisa isa tano
sa kiphanindgen tanao sa ingud aya bangsamoro

XIV
para ko kalilintad na magisa-isa tano
antano langon makowa sa kamapiyaan tano
kataya so kalambayan a miyamagogopa
a dii magisa isa para sii ko agama

XV
o mapareng so jihad na mageba si phagalad
o agama a islam a pisalinan sa betad
o sabagi reketano a daon pamaganad
na mamagopa tano sa kapaka bager a alad

FINAL CHORUS
Para ko agama go para ko bangsa
magisa-isa tano langon
ipanenendeg tano sa agama tano
sa ingud a Bangsamoro